Барилга инженерийн сургууль

Эрхэм зорилго: “ Шинэ эриний төгс инженерүүдийг бид бэлтгэнэ”

БИС-ийн зорилт: Орчин үед барилга, дулааны бүтээн байгуулалтын салбарт чадварлаг мэргэжилтэн инженерүүдийг бэлтгэж улмаар барилга, дулааны инженер, технологич чиглэлийн хувийн хэвшлийн биеэ даасан сургууль болох

Барилга инженерийн сургууль байгуулсан түүхэн замнал

МҮИС-ийн Уул уурхайн сургуульд анх 2010 онд Барилгын менежмент мэргэжлээр сургалт явуулж эхэлсэн нь Барилга Инженерийн Сургууль байгуулагдах үндэс суурь болсон гэж үздэг. 2011 оны 09 дүгээр сарын 01-нд Барилга, дизайны тэнхим байгуулагдаж, тэнхимийн эрхлэгчээр Л.Олзвойбаатар /докторант/, зөвлөхөөр техникийн ухааны доктор /Ph.D/, дэд профессор Д.Дамиран, багшаар химийн ухааны доктор, дэд профессор Г.Сүхдорж, ахлах багш Г.Очиржанцан /магистр/, багш П.Осорсүрэн /докторант/, Д.Болормаа /магистр/, Д.Баярмаа /магистр/, Н.Туул /докторант/, Т.Эрдэнэчимэг /магистр/, Ц.Эрдэнэ-Оргил нар ажиллаж байлаа.

УУБИСургуульд ИБҮБ, АЗБИ  мэргэжлээр  шинээр элсэлт авсантай холбогдуулан 2012 оны 09 дүгээр сарын 01-нд уг тэнхим Барилга, авто замын тэнхим болон өргөжиж, тэнхимийн эрхлэгчээр Б.Даваасүрэн /докторант/, зөвлөхөөр доктор /Ph.D/, дэд профессор Д.Дамиран нар, бүрэлдэхүүнд нь ахлах багш Л.Олзвойбаатар, Г.Очиржанцан, багш Д.Солонго, В.Дэлгэрмаа, Ж.Азжаргал, С.Наранцэцэг нар ажиллаж байв.

Барилга, авто замын мэргэжлийн оюутнуудын элсэлт илт нэмэгдсэн тул 2013 оны  8-р сард  МҮИС-ийн бүрэлдэхүүнд  Барилга,  Авто зам, Архитектурын  гэсэн  3 мэргэжлийн  тэнхимтэй Барилга инженерийн сургуулийг шинээр байгуулж, Иргэний ба үйлдвэрлэлийн барилга, Авто зам барилгын инженер, Дулааны инженер, Барилгын менежмент , Архитектур гэсэн  5 мэргэжлээр18 багш,  470 гаруй оюутантай   сургалтын үйл ажиллагаа явуулж эхэлсэн. 2014 онд Сантехникийн инженер, Барилгын бүтээц эдлэлийн технологи мэргэжлээр элсэлт авч, БСШУЯ-ны сайдын тушаалаар мэргэжлийн индекс 2014 онд өөрчлөгдсөнтэй холбоотойгоор “Архитектурын тэнхим”-ийг татан  буулгаж оронд нь Дулааны инженер, Сантехникийн инженерийн мэргэжлийг нийлүүлэн “Дулаан сантехникийн тэнхим”-ийг шинээр байгуулж  Архитектурын мэргэжлийн багш, оюутнуудыг   МТДС-д шилжүүлэв.

Барилгын хөтөлбөрийн  багт ахлагчаар   Я.Баяртогтох, Б.Эрдэнэчимэг багшаар Х.Баянмөнх,  Б.Даваасүрэн, Л. Олзвойбаатар, Г. Очиржанцан  С. Нарангэрэл,  М.Очир-Эрдэнэ, Ч.Хишигтогтох, Р.Эрдэнэтунгалаг, Э.Солонго, Г.Ундармаа, Н.Долзодмаа, Б.Жавцансүрэн, Б.Баянжаргал Н.Даваасамбуу, Д. Даваадорж, Ж.Базарсад, нар ажиллаж байсан.

Дулааны инженерийн тэнхимийн гадаад, дотоод хамтын ажиллагаа

•ОХУ-ын Эрхүүгийн Техникийн их сургууль, Москвагийн Эрчим Хүчний Дээд Сургууль (Техникийн Их Сургууль), Новосибирскийн Техникийн их сургууль, Улаан-Үдийн Зүүн Сибирийн технологийн их сургууль, Япон улсын JICA, JOCV, Английн VSO, АНУ-ын Калифорнийн Их сургууль, US Solar байгууллага, хамт олонтой сургалт, эрдэм шинжилгээний ажлаар хамтын ажиллагааг өрнүүлэн ажиллаж байна.

•Дархан ДЦС” ТӨХК, “ДЦС 2” ТӨХК, “ДЦС 3” ТӨХК, “ДЦС 4” ТӨХК, “Эрдэнэт ДЦС” ТӨХК, “Улаанбаатар Дулааны шугам сүлжээ” ТӨХК зэрэг сургалт, оюутнуудыг дадлагажуулах, лабораторийн ажлуудыг гүйцэтгэх зэргээр хамтын ажиллагааны олон хэлбэрээр ажиллаж, тэдний сургалт, үйлдвэрлэлийн баазыг сургалтандаа ашиглаж байна.

БИДНИЙ БАХАРХАЛ

            Өнгөрсөн 5 жилд манай сургууль  Барилгын менежмент, Барилга, Авто зам, Дулаан, Сантехник, Барилгын бүтээц эдлэлийн технологи зэрэг 6 мэргэжлээр нийт 730 инженер төгсгөж, төгссөн оюутнууд маань  улс орны өнцөг булан бүрд амжилттай ажиллаж байгаа нь бидэнд  улам их  хурдтай, эрчтэй, зориг төгөлдөр ажиллах урам хайрлаж, дэлхийн түвшинд ажиллаж чадах мэргэжилтэн бэлтгэх өндөр шаардлага тавигдаж байна гэж бид ухамсарлаж байна

                            Барилга инженерийн сургуулийг үүсгэн байгуулахад эхнээс нь гар бие оролцсон  багш Л.Олзвойбаатар 2017 онд “Исследование свойства вторичного заполнителя и бетона, изготовленного из бетонного лома” сэдвээр   докторын зэрэг  хамгаалсан нь залуу багш нарт маш сайхан үлгэр жишээ,

урам зориг хайрласан бахархалтай үйл явдал болсон юм. Үүний үр дүнд манай сургуулийн олон багш нар мэдлэг боловсролоо дээшлүүлэх, өөрийгөө хөгжүүлэхэд онцгой анхаарч ажилласнаар манай хамт олноос 2 багш сургуулийн зардлаар Солонгос улсад, тусгай тэтгэлгээр 2 багш  Солонгос болон Япон улсад, 5 багш дотоодод докторантурын сургалтандсурч байгаа болно.

Оюутны 4 талт хөгжлийн  хөтөлбөрийг амжилттай хэрэгжүүлж байгаагийн    үр дүнд манай сургуулийн  оюутнууд Улсын чанартай  олон олимпиад, урлаг, спортын  олон сайхан  амжилтуудаар МҮИС-ийнхаа  20 жилийн ойг угтаж байгаад бид маш их  баяртай байна.

2017 онд зохиогдсон  “Ган гүүр”-ийн улсын анх дугаар олимпиадад Ж.Базарсад багшийн удирдсан баг  2-р байранд орж, Тайланд улсад зохиогдсон  олон улсын тэмцээнд оролцох эрхээр шагнагдан  сургуулийнхаа нэр хүндийг олон улсын тавцанд гаргаж  бахдам амжилт гаргасан.Мөн 2015 онд зохиогдсон “Дуулиан 20” хөлбөмбөгийн тэмцээнд МҮИС-ийн баг   улсын аваргаас анх удаа багийн төрөлд 1-р байр эзлэхэд  БИС-ийн 5 оюутан үндсэн шигшээд орж тоглосныг  МҮИС-ийн   удирдлага зохих ёсоор үнэлсэн   билээ.  Мөн 2015 онд Д.Отгонбат даргатай  оюутны зөвлөл МҮИС-ийн хэмжээнд ажлаараа 1-р байранд,  багш Н.Долзодмаагийн удирдсан ИБҮБ-ийн оюутан Бямбасүрэн   “Соронзон барилга”, багш Н.Даваасамбуугийн удирдсан оюутныбаг "Мод ба хуванцар бүтээцийн зохистой хэрэглээ" сэдвээр 2015 онд зохиогдсон  оюутны  хавар, намрын ЭШХуралд   БИС-ийн оюутнууд дараалан түрүүлсэн, 2017-2018 онд зохион байгуулагдсан “Төмөр бетон бүтээц”-ийн улсын олимпиадад багш Б.Өнөрбатын удирдсан ИБҮБ-ийн оюутны баг 2 жил дараалан шагналт байрт орсон зэрэг онцлог  амжилтуудыг  манай багш, оюутнууд гаргажээ.

2015 онд БНЭАУ-д  Мэргэжил дээшлүүлэх сургалтанд Англи хэлний багш Ш.Энхзаяа, А. Солонго багш нар хамрагдсан.2015 онд  Монголын барилгачдын холбооноос зохион байгуулагдсан Мэргэжлийн англи хэлний тэмцээнд БИС ийн  багш оюутнуудын баг 3-р байр эзэлж амжилттай оролцсон.2016 онд Монгол улсын их дээд сургуулиудын оюутнуудын дунд зохион байгуулагдсан “Англи хэлний илтгэл”-ийн тэмцээнд Иргэний ба үйлдвэрлэлийн барилгын инженерийн 3-р курсын оюутан Ж.Золгэрэл амжилттай оролцож шагналт байранд оров.2018 онд МУИС-ийн  зохион байгуулсан англи хэлний улсын олимпиадад ИБҮБИ-ийн  3-р курсын оюутнууд болох Ж.Золгэрэл, Ц.Түвшинтөр, Ц.Пүрэвжамц нарын бүрэлдэхүүнтэй баг  амжилттай оролцсон.

ХАРИЛЦАА ХАМТЫН АЖИЛЛАГААТАЙ БАЙГУУЛЛАГУУД

ОХУ-ын Алтайн Техникийн их сургууль, Новосибирскийн Техникийн их сургууль, Улаан-Үдийн Зүүн Сибирийн технологийн их сургууль, АНУ-ын Калифорнийн Их сургууль, US Solar байгууллага, хамт олонтой сургалт, эрдэм шинжилгээний ажлаар хамтын ажиллагааг өрнүүлэн ажиллаж байна.  

Дулааны эрчим хүчний гол эх үүсвэрүүд, түүний дотор Дархан ДЦС, ДЦС 2, ДЦС 3, ДЦС 4, Эрдэнэт ДЦС зэрэг ТӨХКомпаниуд, Хасумегаватт ХХК, МЭЗ ХХК, Монилч ХХК зэрэг хувийн байгууллагууд, Монголын үйлдвэрлэлийн технологийн Академи, Монголын Эрчим хүчний инженерүүдийн холбоо, Зуухны судалгаа шинжилгээний төв, Дулаан техник үйлдвэр экологийн хүрээлэн, Шинжлэх ухаан, технологийн их сургууль, Гэр зуух ТББ зэрэг олон байгууллагуудтай сургалт, эрдэм шинжилгээний ажлын хүрээнд хамтран ажиллаж байна.

Барилга инженерийн сургуулийн гадаад хамтын ажиллагаа

•. АНУ-ын – Калифорины их сургуультай хамтран ажиллах :

•- Нарын эрчим хүч ашиглан дулаан гарган авах / төсөл хөтөлбөр/

•- Сургалт, эрдэм шинжилгээний ажлаар

•2. БНСУ-ын HP Global , HwaSeong Construction компанииудтай болон Smart School and Cloud School –уудтай хамтран ажиллах

•- Барилга, автозамын чиглэлээр туршилт судалгаа хийх

•- Барилгын материалын үйлдвэр байгуулах

•3. БНХАУ-ын Өвөрмонголын Хөх хотын их сургуультай хамтран ажиллах:

- Сургалт эрдэм шинжилгээний ажлаар

Сургалтын үйл ажиллагаа, мэргэжлийн чиглэл

МҮИС-ийн бүрэлдэхүүн сургууль болох БИС нь барилга, авто зам, дулаан , сантехникийн салбарт өндөр ур чадвартай мэргэжлийн инженерүүд бэлдэх зорилгоор

Доорхи 6 мэргэжлийн чиглэлэээр сургалтын үйл ажиллагаа явуулж байна. Үүнд:

•Иргэний үйлдвэрлэлийн барилга

•Барилгын бүтэц эдлэлийн технологи

•Дулааны инженер

•Авто зам барилгын инженер

•Сантехник, инженерийн байгууламж /Хүрээлэн буй орчин/

•Барилгын менежмент

Төгсгөх инженерүүдийн мэрэгжлийн үндсэн чиглэл

•ИБҮБ”, “Авто замын барилга”,” Дулааны инженер”, “Сантехникийн инженерийн байгууламж”, Барилгын менежмент” хөтөлбөрүүдийн зорилго,үр дүн , үндсэн чиглэл нь бакалаврын түвшний боловсролын агуулга, үнэлгээ сургалтын орчин, хугацаанд тавих үндсэн шаардлагуудыг баталгаажуулж, дээд боловсролын сургалтын байгуулгын үйл ажиллагааны бие даасан байдлыг хангаж, сургалт олон хувилбартай байх нөхцлийг бүрдүүлэхэд оршино.

•Мэргэжлийн онцлог болон шаардлагатай үед аюултай болон хүндрэлтэй нөхцөлд ажиллах сэтгэл зүйн өндөр бэлгэлтэй байх

•Компьюторын өргөн мэдлэгтэй орчин үеийн мэдээллийн технологийг ашиглан мэдлэгээ бүтээлчннр ,тасралтгүй хөгжүүлж ,бие даан суралцах чадвар эзэмшсэн байх

•“Оуютны 4 талт хөгжил” төслийн хүрээнд оуютнууд бие, бялдрийн , сэтгэлгээний , харилцаа, гоо зүйн өндөр мэдлэгтэй , манлайлагч удирдагчийн ур чадварыг эзэмшинэ

•Шинийг эрэлхийлэх, асуудал шийдвэрлэх чадвар./Асуудлыг тодорхойлж, шинэ санаа гаргах, зураглах, боломжит хувилбарыг сонгож, илэрхийлэн харуулах/

•Шинжлэн судлах, шийдэл гаргах/Таамаглал дэвшүүлэн, харьцуулсан судалгаа, анализ хийж, загварчилж, баримт бичиг боловсруулах/

•Системтэйгээр төлөвлөх /Мэргэжлийн сэтгэлгээгээр хандах, хоорондоо хамааралтай зүйлсийг бүхлээр нь олж харах, харилцан хамаарлыг нь ойлгож, ач холбогдолоор нь ангилан, чухал санаан дээр төвлөрч, харилцан хамаарлыг нь шалгах, харьцуулан сонгох/

•Хувь хүний ур чадвар ба дадал /Шинийг санаачлах эрмэлзэлтэй, уламжлалыг дээдлэн, уян хатан бүтээлч сэтгэлгээтэй байх, хувь хүний мэдлэг, ур чадвар, төлөвшлийг үнэлж, ухамсарладаг, бие даан суралцах ба цагийн болон нөөцийн менежментийг хэргэжүүлдэг байх/

•Мэргэжлийн ур чадвар, төлөвшил /Мэргэжлийн ёс зүйтэй, хариуцлагатай, чадвартай, эдийн засгийн хувьд тооцоотой байх, өөрийгөө хөгжүүлэн мэргэжлээ дээшүүлэх чадвартай байх/

АЗБИ –ийн төгсөгч нь дараах чадвар эзэмшсэн байна.

•Авто замын төлөвлөлтийн элементүүдийн онолын болон тооцооны үндсэн мэдлэг;

•Авто замын байгууламжийн хэвтээ, дагуу, хөндлөн төлөвлөлтийг гүйцэтгэх (трасс, дагуу огтлол, хөндлөн огтлол төлөвлөлт) тооцоог хийх;

•Авто замын ус зайлуулах системийн төлөвлөлт хийх (хоолойн шуудуу, дренажийн тооцоо, хийц төсөллөлт);

•Хучилтын хийц төлөвлөлт (хучилтын тооцоо, техник-эдийн засгийн харьцуулалт хийх);

•Онцгой нөхцөл дэх авто зам төлөвлөлтийн тооцооны үндсэн зарчим, аргын (эргэц, шилжилтийн муруй, серпатин г.м.) мэдлэг;

•Гүүрэн байгууламжийн төрөл, түүний эд ангийн төлөвлөлтийн онолын үндэс, тооцоолох аргыг эээмших;

•Орон зайн нимгэн ханатай бүтээцийн тооцооны үндсийг судлан тооцоо хийх;

•Барилгын зураг төслийг автоматжуулах, компьютерийн Autocad програмын хэрэглээг эзэмшүүлнэ. Autocad програмын тусламжтайгаар барилгын зураг төслийг боловсруулах.